Chapela Saúde

 O consumo de alcol é un dos principais factores de risco para a saúde, asociado tanto a enfermidades crónicas como a problemas sociais e familiares. A guía da semFYC recomenda que en Atención Primaria se realice un cribado sistemático do consumo de alcol en persoas maiores de 14 anos, aproveitando as consultas habituais. A detección temperá mediante preguntas sinxelas e instrumentos validados, como o AUDIT-C , permite identificar consumos de risco e ofrecer unha intervención breve, eficaz e adaptada a cada paciente. Estas intervencións teñen demostrado reducir o consumo e mellorar a saúde a medio e longo prazo. O cribado non só axuda a previr complicacións médicas, senón que tamén reforza o papel da Atención Primaria na promoción de hábitos de vida saudables. Preguntar polo consumo de alcol é un paso sinxelo cun gran impacto preventivo. Cribado de consumo de alcohol

 Aínda que Galicia non é unha zona endémica de enfermidades tropicais como o dengue, chikungunya ou zika , a súa revisión segue a ser de grande interese na práctica clínica. A mobilidade internacional, tanto por viaxes de lecer como por migracións, fai que cada vez sexa máis frecuente atoparnos con pacientes que presentan cadros compatibles tras regresar de países onde estas infeccións son habituais. Repasar a clínica, os métodos diagnósticos e as medidas de prevención destas patoloxías axúdanos a mellorar a capacidade de sospeita e a ofrecer unha atención máis segura e eficaz. Ademais, permite reforzar o papel dos profesionais de Atención Primaria na educación sanitaria da poboación viaxeira. Esta sesión clínica busca actualizar coñecementos e fomentar a detección temperá destas enfermidades, recordando que pensar nelas é o primeiro paso para diagnosticalas . Enfermedades tropicales