Chapela Saúde

 O manexo da deshabituación tabáquica desde Atención Primaria é fundamental porque permite unha intervención temperá e continuada nun entorno accesible e de confianza para o paciente. Os profesionais de Atención Primaria poden identificar fumadores, avaliar o seu nivel de dependencia e motivación, e ofrecer apoio personalizado, tratamento farmacolóxico e seguimento, aumentando así as posibilidades de éxito na cesación. Ademais, contribúe á prevención de múltiples enfermidades asociadas ao tabaquismo e mellora a saúde pública. Deshabituación tabáquica

O correcto uso dos inhaladores é fundamental en pacientes con broncopatías como a asma ou a EPOC, xa que garante que o medicamento chegue de forma eficaz aos pulmóns, mellorando así o control dos síntomas e reducindo as exacerbacións. Un mal uso pode facer que o tratamento sexa ineficaz, aumentando o risco de ingresos hospitalarios e empeoramento da calidade de vida. Por este motivo, é esencial que os profesionais sanitarios adestremos adecuadamente aos pacientes, asegurándonos de que comprenden e executan ben a técnica inhalatoria, e revisando periodicamente o seu uso para corrixir erros e reforzar aprendizaxes. Taller de inhaladores

Iago González, EIR de Chapela, impartiu unha interesante sesión clínica sobre actualización en Educación Sexual (términos e novas prácticas sexuais de gran prevalencia en xente nova) e un repaso das últimas tendencias e situación actual do VIH en España. Ademais foi un punto de partido sobre o traballo de investigación de varios EIR no ano 2025. Educación Sexual

 A Guía GEMA 5.4, actualizada en maio de 2024, é a referencia principal en español para o manexo do asma. Elaborada por un grupo multidisciplinar de 18 sociedades científicas, ofrece un enfoque práctico e basado na evidencia para profesionais da saúde. A doutora Matilde Fraga, como é habitual, fainos un resumo da guía e das principais novidades respecto a anos anteriores. Guía GEMA 5.4

Un mapeo comunitario en saúde é unha ferramenta participativa que permite identificar, visualizar e analizar os recursos, necesidade, problemas e fortalezas dunha comunidade en relación coa súa saúde. Utilízase tanto en promoción da saúde coma en intervencións comunitarias, planificación sanitaria e atención primaria. Iago González presentounos o traballo realizado coma actividade comunitaria no primer curso da residencia. Aquí vos queda a presentación do resumo. Mapeo comunitario Redondela 2024

 O sedentarismo e a obesidade son uns problemas de saúde de gran prevalencia a nivel mundial e están relacionados con factores de risco cardiovascular e con múltiples patoloxías. Ismael, EIR de primer ano, impartiu esta sesión para ensinarnos as diferentes actividades e exercicios físicos que se poden realizar para evitalo e tamén nos mostra os diversos lugares e recursos dispoñibles en Chapela para que os pacientes atopen facilidades para manterse activos. Chapela mantense activa