Chapela Saúde

 Aínda que Galicia non é unha zona endémica de enfermidades tropicais como o dengue, chikungunya ou zika , a súa revisión segue a ser de grande interese na práctica clínica. A mobilidade internacional, tanto por viaxes de lecer como por migracións, fai que cada vez sexa máis frecuente atoparnos con pacientes que presentan cadros compatibles tras regresar de países onde estas infeccións son habituais. Repasar a clínica, os métodos diagnósticos e as medidas de prevención destas patoloxías axúdanos a mellorar a capacidade de sospeita e a ofrecer unha atención máis segura e eficaz. Ademais, permite reforzar o papel dos profesionais de Atención Primaria na educación sanitaria da poboación viaxeira. Esta sesión clínica busca actualizar coñecementos e fomentar a detección temperá destas enfermidades, recordando que pensar nelas é o primeiro paso para diagnosticalas . Enfermedades tropicales

 As infeccións do tracto urinario (ITU) son unha das infeccións máis frecuentes en Atención Primaria, especialmente en mulleres. Dende o programa PRAN e os Equipos PROA, o seu enfoque céntrase en garantir un diagnóstico preciso, promover o uso responsable e racional dos antibióticos para evitar a aparición de resistencias, e fomentar medidas preventivas e educativas para reducir a incidencia e as complicacións destas infeccións, asegurando así unha mellor atención e a sustentabilidade do sistema sanitario. Un gran agradecemento ás doutoras Adriana Carrete Carballeda e Ana Goicoechea Castaño, autoras da presentación impartida.  ITU - PROA

 Novo repaso actualizado sobre a Asma e o seu manexo para profesionais de Atención Primaria. Baseada na GEMA 5.4 do ano pasado, a doutora Susana Daviña explícanos de forma pormenorizada nesta sesión clínica os criterios diagnósticos, tratamentos e situacións de derivación a consultas externas de Neumoloxía, sobre todo aqueles casos de Asma Grave non controlada. Asma

 É fundamental saber identificar ós pacientes cunha posible enfermidade de Addison na consulta de Atención Primaria porque se trata dunha patoloxía endocrina pouco frecuente pero potencialmente grave, que pode pasar desapercibida debido á inespecificidade dos seus síntomas iniciais, como fatiga crónica, perda de peso, hipotensión ou hiperpigmentación cutánea. Un diagnóstico precoz é clave para evitar unha crise suprarrenal, que constitúe unha emerxencia médica con risco vital. Polo tanto, a sospeita clínica temperá e a derivación axeitada permiten instaurar un tratamento eficaz e mellorar o prognóstico e a calidade de vida dos pacientes. Enfermidade de Addison

 Hoxe falamos da importancia da actividade física para prevención e tratamento de múltiples patoloxías moi prevalentes na nosa poboación. Noa Siñuela, fisioterapeuta comunitaria da nosa área sanitaria, explícanos os diferentes programas dispoñibles dos que se poden beneficiar os nosos pacientes. Fisioterapia Comunitaria

 A Lei Orgánica 3/2021, que regula a eutanasia en España desde xuño de 2021, recoñece o dereito das persoas a solicitar axuda para morrer en circunstancias de sufrimento grave e incurable. A Xunta implementou protocolos e creou a Comisión de Garantía e Avaliación. Nesta sesión clínica repasamos os aspectos mais importantes desta lei e os procesos a seguir para conseguir a axuda a morrer dos nosos pacientes que o soliciten. Adxuntamos a sesión clínica impartida en Chapela e tamén a información dispoñible do SERGAS sobre a Prestación de Axuda para Morrer e sobre as Instruccións Previas. Eutanasia Prestación de Axuda a Morrer - SERGAS Instruccións Previas